Poslovne vesti - Makedonija

Квадрат во Скопје чини 64.127 денари

Според податоците на Државниот завод за статистика просечната цена на квадрат станбена површина во 2010 г. изнесува 52.125 денари и е за 0,9% повисока во однос на 2009 година.

Во Скопје просечната цена на еден квадрат изнесува 64.127 денари, што е за 12,9 проценти повеќе во споредба со 2009 година, додека во останатите населени места во државата таа изнесува 44.163 денари, што е за 6,5 насто повеќе во споредба со 2009 година.

Што се однесува до просечната цена на станбен квадрат во второто полугодие од 2010 г., таа е зголемена за 9,5 проценти во однос на првото полугодие, а во Скопје зголемувањето е за 6,7 отсто. Овие просечни цени се без ДДВ.